Қан анализі

Ағзада болып жатқан кез келген патологиялық процестер қанда көрініс табады. Қандағы компоненттердің құрамы өзгереді - біреулері көбейіп, екіншілері азаяды. Дәрігер олардың мөлшерін нормамен салыстырып, соның негізінде адамның сау екенін немесе ауытқулар бар екенін анықтайды.

Талдауларға не кіреді

Жалпы қан талдауы

Талдау қабыну процестерін анықтап, қанның жағдайын, мысалы, тромбозға бейімділігін бағалауға мүмкіндік береді. Мынадай көрсеткіштер зерттеледі:

• гемоглобин - эритроциттерде болады, оның жетіспеуі ішкі қан кетуді, темір тапшылығын көрсетуі мүмкін; эритроциттер - қан жасушалары, олардың жетіспеуі анемияны, ал артық болуы диарея, құсу, қант диабеті және басқа бұзылыстар салдарынан сусыздануды білдіреді;
• лейкоциттер - ағзаны инфекциялар мен қолайсыз әсерлерден қорғайды, артық болуы қабынуларды, аллергиялық реакцияларды, ісіктерді білдіреді, жетіспеуі вирустық инфекцияларда болуы мүмкін;
• тромбоциттер - қанның ұюын реттейді, көрсеткіштердің артуы созылмалы ауруларда, төмендеуі - қан, бүйрек ауруларында болуы мүмкін;
• ЭТЖ - эритроциттердің тұну жылдамдығы, ол жұқпалы аурулар кезінде, гормондық бұзылыстарда артады, қан айналымы нашар болғанда төмендейді.

Барлық деректер танысу үшін берілген. Талдауды дәрігер түсіндіреді және көрсеткіштер нормадан өзгеше болса, тиісті ем тағайындайды.

Жалпы қан талдауына дайындық

Диагностиканы аш қарынға - тамақ ішкеннен кейін кемінде 8 сағаттан соң жүргізу керек. Алдыңғы күні стресстік жағдайлардан аулақ болуға тырысыңыз, белсенді дене жүктемелерінен бас тартыңыз.