УДДГ

Ультрадыбыстық допплерография (УДДГ) - артериялық және веналық тамырлардағы қан ағымын бағалауға негізделген аспаптық диагностика әдісі. Диагностика веналардың варикозды кеңеюін анықтауға, веналар мен артериялардың тарылу дәрежесін белгілеуге мүмкіндік береді. Тамырларды зерттеудің арқасында дәрігер анықталған ауруды емдеудің оңтайлы әдістемесін таңдай алады.

Ультрадыбыс нені көрсетеді?

Мойын, төменгі және жоғарғы аяқ-қол тамырларының УДДГ-сы мынадай көрсеткіштерді анықтауға мүмкіндік береді:

• беткей және терең веналардың өткізгіштігі;
• терең және беткей тамырлар арасындағы байланысты қамтамасыз ететін перфорант веналардың жағдайы;
• тамыр саңылауларында түзілімдердің, қосындылардың немесе тромбтардың болуы.

Аяқ пен қолдың артерияларын зерттеу кезінде қан ағымы, оның жылдамдығы, сондай-ақ қантамырлардың патологиялық өзгерістері (стеноз, аневризма және басқалар) де анықталады.

Мойын мен бастың УДДГ-сын жүргізуге көрсетілімдер

Мойын мен бастың ультрадыбыстық допплерографиясы барысында бет және бұғана асты артериясының, ұйқы және омыртқа артериясының, сондай-ақ басқа да артериялардың жағдайы бағаланады. Мойын бөлімінің УДДГ-сы мына жағдайларда жүргізіледі:

• мойын жарақаттары;
• пульсацияның әлсіреуі;
• остеохондроз белгілерінің болуы;
• қандағы холестерин мен май қосындыларының жоғары деңгейі;
• анамнезінде инсульт немесе инфаркт;
• тұрақсыз АҚ.

Мойын бөлімі мен бастың допплерографиясына пациенттер арқа мен бастың ауыруы, есте сақтаудың төмендеуі, көз алдында «шыбындардың» жыпылықтауы, ұйқының бұзылуы сияқты белгілер болғанда жіберіледі.

Жоғарғы және төменгі аяқ-қолдың УДДГ-сы қашан жүргізіледі?

Аяқтың веналары мен артерияларына допплерография бірнеше жағдайда қажет:

• әсіресе кешке қарай ісінулердің пайда болуы;
• аяқ-қол терісінде көкшіл-қызғылт реңктің пайда болуы, тері жабындарының бозаруы;
• аяқтың ауырлауы;
• тамырлы «жұлдызшалардың» болуы;
• кеңейген веналардың пайда болуы;
• аяқ-қолдың тоңуы;
• жаралардың (трофикалық ойық жаралардың) пайда болуы.

Жоғарғы аяқ-қол тамырларын зерттеуге көрсетілімдер аяқ диагностикасының көрсетілімдеріне көп жағынан ұқсас:

• қолдың ұюы, тоңу сезімінің пайда болуы;
• қол терісінің бозаруы;
• құрысулар;
• ісінулердің болуы;
• иықтың, білектің ауыруы.

Осы және басқа белгілер болғанда ультрадыбыспен тексеру көрсетілген. Уақтылы диагностика мен емдеу тез сауығуға және асқынулардан қорғануға кепілдік береді.